عن بوستي

ليه عملنا بوستي؟

صاحب المحل أو الكافيه أو العيادة عارف إن صفحته على فيسبوك وإنستجرام بتجيبله زباين، بس مفيش وقت كل يوم يفكر هينزل إيه، ويكتب كابشن، ويفتكر إن بكرة شم النسيم. والفريلانسر اللي ماسك صفحات خمس عملاء بيقضي نص يومه في رسايل واتساب عشان ياخد موافقة على بوست.

والأدوات العالمية مش معمولة لينا: واجهات مش بتدعم العربي صح، وذكاء اصطناعي بيكتب عربي مترجم محدش بيتكلمه، وأسعار بالدولار. عشان كده عملنا بوستي: تطبيق عربي من الأول، بيكتب بالمصري، وعارف مناسباتنا، وأسعاره بالجنيه.

اللي بنؤمن بيه

• عربي الأول: التطبيق كله بالعربي ومن اليمين للشمال، وتقدر تحوّله إنجليزي في أي وقت.
• ذكاء اصطناعي بلغة الناس: مصري أو خليجي أو شامي أو فصحى — بلهجة البراند ونبرته، ومسودة تراجعها قبل ما تنشر.
• بسيط ومن الموبايل: تبدأ في أقل من 3 دقايق، وتدير كل حاجة من موبايلك.
• أسعار عادلة: باقة مجانية، والباقات المدفوعة بالجنيه المصري، من غير تجديد تلقائي.
• الخصوصية: بنربط فيسبوك وإنستجرام عن طريق تسجيل دخول ميتا الرسمي، والدخول لبوستي عن طريق Firebase من جوجل فالباسورد مش بيوصل لسيرفراتنا، وبياناتك ملكك تمسحها وقت ما تحب.

مين ورا بوستي؟

بوستي منتج من appzlr، فريق بيعمل برمجيات للبيزنس والمسوّقين. عندك اقتراح أو محتاج مساعدة؟ ابعتلنا على posty@appzlr.com أو من صفحة التواصل.